په کاپیسا ولایت کې د اړمنو کورنیو لپاره د خوراکي توکو ویش
د کلیو د بیارغونې او پراختیا ریاست په همکارۍ او همغږۍ، د بشري مرستو او د اقتصاد د پیاوړتیا (HEERO) مؤسسې له خوا د نړیوال خوراکي پروګرام (WFP) مرستې د کاپیسا ولایت مرکز محمود راقي اړوند پر (۱۸۵۰) اړمنو کورنیو وویشل شوې. په دغو مرستو کې ۵۰ کیلو ګرام اوړه، ۶،۲۵ کیلو ګرام دال نخود، ۴،۵۵ کیلو ګرام غوړي، ۰،۵ کیلو ګرام مالګه، سوپر سیریل او د ماشومانو لپاره د خوارځواکۍ توکي شامل دي. د یادونې وړ ده چې د نړیوال خوراکي پروګرام د خوراکي توکو دغه کومکي بستې د کاپیسا ولایت په مرکز او (۶) اداري واحدونو کې تر سروې او د مستحقو کسانو تر پیژندلو وروسته په (۱۵۲۰۰) اړمنو کورنیو ویشل کیږي.
