په پکتیکا کې له ۵۵ بې ځایه شویو کورنیو سره د خوراکي او نا خوراکي توکو مرسته وشوه
د پکتیکا ولایت، د کلیو بیارغونې او پراختیا او د پېښو پر وړاندې د مبارزې او چمتووالي ریاستونو له لورې د دغه ولایت په مټاخان ولسوالي کې، د جګړې له امله پر ۵۵ بې ځایه شویو کورنیو، خوراکي او غیر خوراکي توکي ووېشل شول.
په دغو مرستو کې د هرې کورنۍ لپاره د پخلنځي یو کیټ؛ چې د پخلنځي اړوند ټول لوازم لري او خوراکې توکې؛ غوړي، اوړه، لوبیا، بوره او نور شامل دي.
پاتې دې نه وي، چې څو ورځې وړاندې هم د پکتیکا ولایت د کلیو بیارغونې او پراختیا ریاست له ځینو نورو ریاستونو سره په ګډه، د یاد ولایت په مرکز کې، د جګړې له امله داخلي بې ځایه شویو لپاره د هستوګنې کیمپ جوړ کړ، چې د اړتیا پر مهال به بې ځایه شوي پکې هستوګنه کوي.
