په بغلان کې د ۲۰.۵ میلیونه افغانیو په ارزښت د اوبو لګولو د یوې شبکې کار پیل شو
د کلیو بیا رغونې او پراختیا وزارت د سیمه ییزو پروګرامونو همغږۍ دفتر له خوا د بغلان ولایت د دوشي ولسوالۍ په قلعه ایشان لرخواب کلي کې د ۲۰.۵ میلیونه افغانیو په ارزښت د اوبو لګولو د یوې شبکې کار پیل شو چې ۴۰ متره سربند، ۱۸۴ متره کانال او ۷۷ متره محافظوي دیوال هم په کې راځي.
د دې پروژې په ترڅ کې به ۶۲۰۰ کاري ورځې هم رامنځ ته شي، او تر بشپړتیا وروسته به یې ۲۵۰ کورنۍ له ګټو برخمنې شي.
یاده دې وې چې د دې پروژې په تطبیق سره به د سیمې ډیرې کرنیزې ځمکې د اوبه خور تر منظم پوښښ لاندې راشي.
