په کندز کې د ۴ میلیونه افغانیو په لګښت ۴.۶ کیلو متره اوږد کلیوالي سړک جوړ شو
د کلیو بیارغونې او پراختیا وزارت د ولسي تړون ملي پروګرام د څارنې، ساتنې او جوړونې له پاره د پراختیایي نغدي وجهې پروګرام (MCCG) برنامې له لوري د کندز ولایت مرکز اړوند کوبهي علیا پراختيايي شورا لخوا د ۴ میلیونه افغانیو په لګښت ۴.۶ کیلومتره سړک او ۶۰ متره اوږد محافظوي دیوال چارې بشپړې شوې. دغه سړک ۵.۳ متره پلنوالی لري چې په کریړي ډول جوړ او ۳۴۵ کورنيو ته یې د تګ راتګ اسانتیا برابره کړه. ددې پروژې په ترڅ کې د سیمې تخنیکي او نا تخنیکي کاریګرو ته ۶۸۶۲ کاري ورځې برابرې شوې وې.
