د کلیو بیارغوني او پراختیا وزیر له خپلو همکارانو سره خدای په اماني وکړه
د کلیو بیارغونې او پراختیا وزیر پوهندوی مجیب الرحمن کریمي نن له خپلو همکارانو سره خداي پاماني وکړه.
د خدای په امانۍ په مراسمو کې چې وزارت معیننانو، د پروګرامونو رئیسانو او کارکوونکو برخه اخېستې وه، د کلیو بیارغونې او پراختیا وزارت د پروګرامونو معین پوپل حبیبي او مالي او ادارې معین معراج الدین شمس وویل، چې د وزیر صاحب مدیریت بریالی و او په خپله نېږدې څلور کالنه دوره کې یې وزارت او ولسونو ته د پام وړ خدمات ورسول.
ښاغلي کریمي وویل، زمونږ هدف د هېواد او خلکو خدمت کول دي او همدې سپیڅلي هدف ته به له بېلابیلو لارو څخه ادامه ورکوو.
د یادونې وړ ده، چې د کلیو بیارغونې او پراختیا وزیر تازه د جلالتمآب جمهور رئیس په فرمان په زېربنايي او پرمحتیایي چارو کې د ولسمشر ستر سلاکار ټاکل شوی دی.
