په ننګرهار کې د ۱۶۰ کورنیو لپاره د څښاک پاکې اوبه برابرې شوې
د کلیو بیارغونې او پراختیا وزارت په کلیوالي سیمو کې د اوبو رسولو، روغتیاساتنې او اوبو لګولو ملي پروګرام له لوري د ننګرهار ولایت د اچین ولسوالۍ په مزدکي کلي کې د څه باندې ۳ میلیونو افغانۍ په ارزښت د ۱۶۰ کورنیو لپاره د څښاک پاکو اوبو یوه شبکه جوړه شوه.
د اوبو رسولو په دغه پروژه کې د یوې ژورې څاه کیندل، د ۲۲۴۴ مترو په اوږدوالي دیوې شبکې غځول، د ۱۰ متره مکعب په ظرفیت سره د یوې ذخیرې او د سولرونو لپاره د یوې احاطې جوړول، د ۱۶ لمریزو تختو، ۴۷ نل بندانونو او مېترونو نصبول شامل دي. د دغې پروژې د تطبیق پر مهال ځايي اوسیدونکو ته ۱۸۰۰ کاري ورځې رامنځته شوې دي.
