د فراه په ګلستان او جوین ولسوالیو کې د ۲۶ پراختیایي پروژو سروې بشپړ شوه
د کلیو بیا رغونې او پرختیا وزارت د سیمه ییزو پروګرامونو د همغږی دفتر له لوري د فراه ولایت په ګلستان او جوین ولسوالیو کې ۲۶ پراختیایي پروژو سروې بشپړې شوې دي. نوموړو پروژو کې استنادي دیوالونه، د کرنیزو ځمکو لپاره د اوبو کانالونه، بندونه، پلچکونه، چینې، د اوبو سربندونه او ښوونځي شامل دي. ددې پروژو په تطبیق کې په سلکونه هکتاره کرنیزه ځمکه د اوبو د منظم خړوب څخه برخمنه او د سیلاب له خطره په امن کې شي. همدا راز د ښوونځیو په په بشپړېدو سره په زرګونو زده کوونکو ته د زده کړې مناسبه زمینه برابره شي.
د فراه ولایت د ګلستان ولسوالۍ په تیرو ۱۸ کالونو کې د نا امنیو له امله د پراختیایي پروژو څخه بې برخې وه، چې هیڅ پراختیایي يروژه پکې نه وه پلې شوې. خوشبختنانه د کلیو بیا رغونې او پرختیا وزارت ۱۱ حیاتي پروژې پکې بشپړې کوي او د سیمې اوسیدونکو ته به د ژوند لومړنۍ اړتیاوې برابرې کړې.
