په غور کې د ۳ میلیونه افغانیو په ارزښت د اوبو رسولو یوه شبکه بشپړه شوه
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د غور ولایت د دولت یار ولسوالۍ په لکه مزار کلي کې د ۳ میلیونه افغانیو په ارزښت د اوبو رسولو یوه شبکه بشپړه او ګټې اخیستنې ته وسپارل شوه.
دا شبکه د ۵۰ مترو مکعبه په کچه یوه اوسپنیزه کانکریټي زیرمه، فشار ماتونکي، د پمپ خونه، ۳۰ سولري ښیښې، د سولرونو محافظوي دیوال، څه باندې ۴ کیلو متره پایپ، نیټ ورک او ۱۸۰ نلکې لري.
یاده دې وي چې ددې پروژې په ترڅ کې ۳۱۰۸ کاري ورځې رامنځ ته شوې وې، او تر بشپړتیا وروسته یې ۳۷۰ کورنیو د څښاک پاکو او صحي اوبو ته لاسرسی پیدا کړ.
