په کابل کې ۱.۵ میلیونو افغانیو په ارزښت ۱۹۴ کورنیو ته د څښاک پاکې اوبه برابرې شوې.
د کلیو بیا رغونې او پرختیا وزارت د ولسي تړون ملي پروګرام له لوري د کابل ولایت د بگرامیو ولسوالۍ اړوند په معروف خیلو کلي کې د ۱.۵ میلیونو افغانیو په ارزښت ۱۹۴ کورنیو ته د څښاک د پاکو اوبو زمینه برابره شوه. نوموړې شبکه د ۱۰ متره مکعبه اوبو د ظرفیت په درلودو سره یوه زیرمه، ۷ نلکې او د ۱۷۰ مترو په ژوروالي یوه څاه لري. د دې پروژې د کار په بهیر کي تخنیکي او ناتخنیکي کاریګرو ته ۱۲۰ کاري ورځې را منځته شوې دي.
