په تخار کې د ۲.۴ میلیونو افغانیو په ارزښت په یو کیلو متره سړک جغل واچول شو
د کلیو بیا رغونې او پرختیا وزارت د د ولسي تړون ملي پروګرام له لوري د تخار ولایت مرکز تالقانو ښار د قومندان نیاز محمد په کلي کې د ۲.۴ میلیونو افغانیو په ارزښت په یو کیلو متره سړک جغل واچول شو او همدا راز ۱۰ پلچکونه او ۴۶۰ متره د سړک د غاړې لښتی او ۲۰ متره استنادي دیوال جوړ او ګټې اخیستنې ته وسپارل شو.
ددې پروژې په تطبیق کې تخنیکي او نا تخنیکي کارګرو ته په سلکونو کاري ورځې رامنځته شوې، چې په بشپړیدو سره یې ۲۹۸ کورنۍ یې له ګټې مستفیدې شوې.
