په سرپل کې د اوبو رسولو او چاپیریالیزې حفظ الصحې د دوو پروژو کار روان دی
د کلیو بیا رغونې او پراختیا وزارت د اوبو رسولو ملي پروګرام له لوري د سرپل ولایت په مرکز کې د ۲.۵ میلیونه افغانیو په ارزښت د اوبو رسولو او چاپیریالیزې حفظ الصحې د دوو پروژو کار روان دی.
د ۱۰۰ متره ژورې څاه کیندل او د ۱۰ متره مکعبه په کچه یوه اوسپنیزه کانکریټي زیرمه ددې پروژې برخې دې چې د سرپل ولایت په مرکز کې د نجونو د جوزجانان لیسې ۱۵۰۰ زده کوونکو ته د څښاک اوبه چمتو کوي، همدا راز د ۴۰۰ کورنیو زده کونکو ته ۶ روغتیايي مبرزونه جوړیږي.
په پام کې ده چې دا پروژه په ۶ میاشتو کې بشپړه او ګټې اخیستنې ته وسپارل شي.
