په ننګرهار کې د ۱.۸ میلیونه افغانیو په ارزښت د ۱۰۵ متره محافظوي دېوال د جوړېدو چارې روانې دي.
د کليو بيارغونې او پراختيا وزارت اړوند د ولسي تړون ملي پروګرام له لارې د ۱.۸ میلیونه افغانیو په ارزښت د ننګرهار ولایت د چپرهار ولسوالۍ د ملک سعدالله کلي کلیوالي پراختيايي شورا لپاره دا دیوال منظور شوی و، چې په جوړېدو سره یې د ځايي خلکو ۱۱۰۰ جریبه کرنيزه ځمکه د موسمي سېلابونو له ګواښ څخه خوندي شوه. ، له دې پروژې ۲۸۹ کورنۍ ګټه اخلي. د ملک سعدالله شورا لپاره د جوړ شوي محافظوي دېوال په جریان کې د ماهرو او غېر ماهرو کارکوونکيو لپاره ۱۱۵۴۷ کاري ورځې رامنځته شوې و دي.
