په فاریاب ولایت کې ۱۰۰ کلیوالي کورنیو ته د څښاک پاکې اوبه برابرې شویدي
د کلیو د بیارغونې او پراختیا وزارت د ولسي تړون ملي پروګرام په وسیله ۱۰۰ کلیوالي کورنیو ته د فاریاب ولایت د قرغان ولسوالۍ اړوند په میرآباد کلي کې د څښاک د پاکو اوبو د لاسرسۍ زمینه برابره شوه. نوموړې شبکه ۱۵۵۰ متره اوږدوالی، د اوبو ۱۶ مکعبه متره ظرفیت په لرلو یوه ارتفاعی زیرمه ، د ۷ نلکو او دوه نیمه ژورو څاګانو لرونکې ده چې اوسمهال بشپړه او ګټې اخستنې ته سپارل شویده. د یادونې وړ ده چې د دغې پروژې د کار په بهیر کې ۸۴۰ ماهرو او غیرو ماهرو کاریګروته کاري ورځې برابرې شوېدي چې پر دې پروژه شاوخوا ۱ میلیون او ۸۰۰ زره افغانۍ پرې لګښت راغلې.
