په لوګر او وردګو ولایتونو کې د ۶ میلیونه افغانیو په ارزښت د دوو کاریزونو د پروژو کار به ژر بشپړ شي
د کلیو د بیا رغونې او پرمختیا وزارت د سیمه ییز پروګرام له لوري د څه باندې ۶ میلیونه افغانیو په ارزښت په لوګر او وردګو ولایتونو کې د اوبو لګولو د کاریزونو د پروژو کارونه به ژر بشپړ شي. د لوګر د محمداغې ولسوالۍ په خانانو کلي کې د کاریز څاه ګانې او ۱۸۰۸ متره کانال په پاخه ډول جویږي. د دویم کاریز پروژه د وردګو ولایت د نرخ ولسوالۍ په ابدره کلي کې جوړیږي چې څاه ګانې او ۲۴۳ متره کانال لري. د دې پروژو په کاري بهیر کې ۴۲۷۸ کاري ورځې رامنځ ته کیږي، چې تر بشپړتیا وروسته به ۹۸۰ وګړي ترې ګټه اخلي او زیاته کرنیزه ځمکه به د اوبه کولو ترمنظم پوښښ لاندې راشي.
