په کونړ کې د ۲.۶ میلیونه افغانیو په ارزښت د ۲.۵ متره فرعي سرک د جوړولو کار روان دی.
د کونړولایت نرنګ ولسوالۍ اړوند د کوزړۍ کلي پراختيايي شورا له پاره د ولسي تړون ملي پروګرام له لوري د ۲.۶ میلیونه افغانیو په ارزښت د ۲.۵ کيلو متره فرعي سرک جوړول منظور شوي، د دې سرک په جوړېدو سره به نږدې ۱۵۰ کورنیو ته د تګ راتګ اسانتياوې برابرې شې. او ځايي ماهرو او غيرو ماهرو کاریګرو ته به ۵۳۲۵ کاري ورځې رامنځته شي.
د يادونې وړ ده چې په نرنګ ولسوالۍ کې د ولسي تړون ملي پروګرام له لوري د فرعي سرکونو جوړولو، څښاک پاکو اوبو ته د لاسرسي، لمريزې برېښنا او اوبو لګونې په سکتورونو کې ۵۷ پروژې روانې دي، چې ګڼ شمېر يې بشپړې شوي او پاتې نورې به يې په نږدې راتلونکې کې بشپړې او ګټې اخيستنې ته وسپارل شي.
