په کنړ کې د ۵۰ کيلومره متر اوږد دیوال د جوړولو لپاره د سروي چارې پیل شوې
د کلیو د بیا رغونې او پراختیا وزارت د سیمه ییزو پروګرامونو د همغږۍ پروګرام لخوا د ۵۰ کیلو مترو په اوږدوالي د بولډر ډوله استنادي دیوال د جوړیدو د سروې چارې پیل شوې. یاد دیوال د کونړ سیند په اړخونو کې د جلالتمآب جمهور رییس په ځانګړې سپارښتنه او د کلیو د بیارغونې او پراختیا د ښاغلي وزیر په لارښوونه جوړیږي، چې د سیند په دواړو خواوو کې به کرنیزې ځمکې او ځايي اوسیدونکو ته د رسیدونکو زیانونو مخه ونیسي.
د یادونې وړ ده چې د دغې پروژې په تطبیق سره به د سیند په اړخونو کې پرته ۵۲۰۰ هکټاره هغه ځمکه چې د آب خیزي له امله شاړه شوې په کرنیزه ځمکه بدله شي، چې د ځايي اوسیدونکو د کرنیزو توکیو د ډیریدو له لارې به د دوی د اقتصادي حالت ورسره ښه شي.
