په کندهار کې د ۱۰ میلیونه افغانیو په ارزښت د کاریز یوه پروژه بشپړه شوه
د کندهار د دامان ولسوالي په سره کلا کلي کې د نږدې ۱۰ میلیون افغانیو په ارزښت د اوبو لګولو د کاریز پروژه ګټې اخیستنې ته وسپارل شوه. د دغې پروژې په ترڅ کې چې له ملي بودیجې تمویل او د کلیو د بیا رغونې او پرمختیا وزارت د سیمه ییز پروګرام له لوري تطبیق شوې د اوبو لګولو د کاریز څاګانې، د اوبو زیرمتون او د اوبو لګولو کانال جوړ شویدي. د کاریز د یادې پروژې د تطبیق پر مهال ۵۳۷۳ کاري ورځې رامنځته شوې چې د سیمې د ۱۰۰ هکټاره کرنیزې ځمکې پر خړوبولو به ۴۹۰ ځايي اوسیدونکي ترې ګټه پورته کړي.
