په کندهار کې د ٢٢،٨٢ کیلوواټه بریښنا د شبکې کار بشپړشو
د کلیوبیارغونې او پراختیاوزارت د ولسي تړون ملي پروګرام له لوري د کندهار ولایت سپین بولدک ولسوالۍ په محمدظاهر کلي کې د ٨.٥ میلیونه افغانیو په لګښت د ٢٢،٨٢ کیلوواټه بریښنا د شبکې کار بشپړ اوګټې اخستنې ته وړاندې شوه.
دا شبکه ٣٣٠ واټه ١٠٢ سولر تختې، ٢٠٠ امپیره ٧٢ بیټرۍ او ٨٥٠٠ متره المونیمي تار لري.
ددې پروژې د پلي کیدا په ترڅ کې ١٥١٣ کاري ورځې رامنځته شوې وې.
د یادولو وړ ده چې ددې شبکې په بشپړیدو سره ٢٠٦ کورنیو بریښنا ته لاسرسی وموند.
