په کندهار کې د اوبو د ذخیروي بند د جوړولو کار روان دی
په کندهار ولایت کې د کلیو د بیا رغونې او پراختیا وزارت د سیمه ییز پروګرام له لوري د اوبو لګولو د ذخیروي بند د جوړولو کار ۵۰ سلنه مخ ته تللی دی.
د دغې پروژې په ترڅ کې د یاد ولایت په مرکز پورې اړونده سیمه میانکو کې د ۱۹۵ مترو په اوږدوالي د اوبو لګولو پوښ ذخیروي بند د جوړیدو په حال کې دی. د یادې پروژې د تطبیق پر مهال به ۲۲۱۴ کاري ورځې رامنځته شي او په بشپړیدو به یې د سیمې ۱۹۵۰ اوسیدونکي ترې ګټه پورته کړي. د یادونې وړ ده چې د دغې پروژې په بشپړیدو به هلته د ځايي اوسیدونکو ۵۷۵ جریبه کرهڼیزه ځمکه د اوبو لګولو تر منظم پوښښ لاندې راشي.
