په کاپیسا کې د ۵۰ میلیونه افغانیو په ارزښت ۸۰ متره پل بشپړ شو
د کلیو بیا رغونې او پراختیا وزارت د کلیوالي لار جوړولو د ملي پروګرام له لوري د کاپیسا ولایت د حصه اول کوهستان ولسوالۍ په نوله شکسته کلي کې د ۵۰ میلیونه افغانیو په ارزښت ۸۰ متره پل جوړ شو او ورسره پر ۱.۹۵ کیلو متره سړک باندې کریړ واچول شو.
ددې پل په جوړیدو سره د کاپیسا او د پروان ولایت د جبل السراج او سید خیلو ولسوالیو تر منځ واټن بیخي لنډ شو، سربیره پر دې به دا پل او سړک د زرګونوکلیوالو وګړو د اقتصادي پرمختګ په برخه کې هم ګټور پریوزي.
