په کاپیسا کې د ۳.۴ میلیونه افغانیو په ارزښت د اوبو رسولو یوه شبکه بشپړه شوه
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د کاپیسا ولایت د حصه دوم کوهستان ولسوالۍ په بته زار کلي کې د ۳.۴ میلیونه افغانیو په ارزښت د اوبو رسولو یوه شبکه جوړه او ګټې اخیستنې ته وسپارل شوه.
دا شبکه په سولر سیستم سنبال ده چې ۸۰۰ متره اوږدوالی، د ۱۰ متره مکعبو په کچه یو هسکه زیرمه، د احاطې دیوال، ۲۰ تختې سولرونه او ۴۳ نلکې لري.
باید ووایو چې ددې شبکې په بشپړتیا سره ۱۲۰ کورنیو د څښاک پاکو او صحي اوبو ته لاسرسی پیدا کړ.
