په کاپيسا کې د کلیوالي اقتصاد د پیاوړتیا ملي پروګرام د فعالیتونو پيل
د کلیو بیارغونې او پراختیا وزارت د کلیوالي اقتصاد د پياوړتیا ملي پروګرام تر اوسه د کاپيسا ولایت مرکز محمود راقي په ۴۸ پرمختیایې شوراګانو کې ۴۹۲ سپماګروپونه او ۳۵ د پور او سپما کلیوالي اتحادیې جوړې کړي دي.
د وړیا مرستو د لیږد په موخه ۲۵ اتحادیو د بانکي حسابونو پرانیستل، د سپماپه موخه د ۴۹۲ بکسونو جوړول او سپماګروپونو او اتحادیو ته د کتابونو لیږد هغه عمده فعالیتونه دي چې، د پروګرام له پېل څخه په دې ولایت کې ترسره شوي دي.
د یادونې وړ ده، چې پروګرام په یاد ولایت کې د سپماګروپونو ۲۰۰۰ غړو ته د وړتیاو لوړولو روزنې هم وړاندې کړي.
