په کابل کې د یوه ګبیوني دیوال کار ۳۰ سلنه مخکې تللی
د کابل په سروبي ولسوالۍ د ګبیون ډوله دیوال دویم پړاو چې د سیلابونو د زیانونو د مخنیوي په موخه جوړیږي اوسمهال یې کار ۳۰ سلنه مخکې تللی دی.
دا پروژه چې د جلالتماب جمهور رییس په لارښوونه د کلیو بیا رغونې او پراختیا وزارت د سیمه ییز پروګرام له لوري تطبیقیږي په ترڅ کې به یې ۳۹۱۴۴ کاري ورځې رامنځ ته شي او د سیمي ۳۵۵۱۴ تنه وسیدونکي به ترې ګټه پورته کړي.
یاده دې وې چې په سروبي ولسوالۍ کې د سیلابونو د زیانونو د مخنیوي د پروژې د لومړي پړاو کار ۸۵ سلنه مخکې تللی دی.
