په پکتیکا کې د اوبو لګولو د کاریز پروژه بشپړه شوه
په پکتیکا ولایت کې د کلیو د بیا رغونې او پراختیا وزارت د سیمه ییز پروګرام له لوري د اوبو لګولو د کاریز د جوړولو کار بشپړ شو. د دغې پروژې په ترڅ کې د یاد ولایت د یوسف خیلو ولسوالي په نوي ملا لمبات کلي کې د اوبو لګولو کاریز، د اوبو زیرمتون او کروندو ته د اوبو رسوونکی پوخ کانال جوړ شویدی. د یادې پروژې د تطبیق پر مهال ۹۹۲ کاري ورځې رامنځته شوي چې د سیمې ۴۰۰ اوسیدونکي لدغه کاریز څخه ګټه پورته کوي. د یادونې وړ ده چې د دغې پروژې له لارې د ځايي بزګرانو ۱۰۰ جریبه کرهڼیزه ځمکه د اوبو لګولو تر منظم پوښښ لاندې راغلې ده.
