په پکتیکا، میدان وردګ، هرات، بلخ او کندهار کې د ۱۸ ښوونځيو ودانۍ جوړې شوې
د کلیو بیا رغونې او پراختیا وزارت د ولسي تړون ملي پروګرام د اقرا پروژې تر سیوري لاندې د پکتیکا ولایت په یوسف خیلو، یحیی خیلو، ارګون، سروبي، زیړوک، سر روضه، مټاخان او زرغون شهر ولسوالیو کې د هرات په کشک رباط سنګي ولسوالۍ د کندهار په ارغستان ولسوالۍ، د بلخ په نهر شاهي ولسوالۍ او د میدان وردګ په نرخ ولسوالۍ کې د ۱۸ ښوونځيو ودانۍ جوړې او ګټې اخیستنې ته وسپارل شوې.
دا ښوونځي ۱۰، ۶، یا ۴ ټولګي، تشنابونه او د څښاک د اوبو څاه ګانې لري ددې ښوونځيو د جوړولو په ترڅ کې تخنیکي او نا تخنیکي کارګرو ته ۳۶ زره کاري ورځې رامنځ ته شوې وې.
د یادولو وړ ده چې د دې ښوونځيو په جوړیدو سره ۴۳۴۰ زده کوونکو ته د ښوونې او روزنې وړ چاپیریال رامنځ ته شو.
