په پکتیا ولایت کې د یوه کرنیز کانال د جوړولو کار بشپړ او ګټې اخیستنې ته وسپارل شو.
د کلیو بیارغونې او پراختیا وزارت د ولسي تړون ملي پروګرام له لوري د پکتیا ولایت د احمد آبا ولسوالۍ په مالي خېلو کلي کې د ۱.۶ میلیونه افغانیو په لګښت د یوه کرنیز کانال د جوړولو چارې بشپړې او ګټې اخیستنې ته وسپارل شو.
دا کانال ۴۵۰ متره اوږدوالی لري چې د ځايي خلکو۳۷۰ جرېبه کرنيزې ځمکې او بڼونه خړوبوي، ۱۲۲ کورنۍ ترې ګټه اخلي، تخنیکي او نا تخنیکي کاریګرو لپاره يې ۱۴۶۸ کاري ورځې رامنځته کړېدي. د يادونې وړ ده، چې د پکتیا ولایت په احمد ابا ولسوالۍ کې د ولسي تړون ملي پروګرام له لوري د څښاک پاکو اوبو ته د لاسرسي، فرعي لارو، لمريزې برېښنا او د اوبو لګونې په سکټورنو کې ۱۱۱ پروژې منظور شوي، چې د يو شمېر پروژو کارونه بشپړ شوي او پاتې نورې به هم په نږدې راتلونکې کې بشپړې او ګټې اخيستنې ته وسپارل شي.
