په هرات کې د ۱۷ پراختیایی شورا ګانو غړو ته د کرونا ويروس په اړه عامه پوهاوی ورکړل شو
د کلیو بیا رغونې او پراختیا وزارت د ولسي تړون ملي پروګرام له لوري او دعامی روغتیا وزارت د لارښود له مخې د هرات ولایت د پشتون زرغون ولسوالۍ ۱۷ پراختيايي شورا ګانو ته د کرونا وايروس او د خوراکي توکو د کمیټې د جوړیدو په اړه کمپاین ترسره شو.
په دغه کمپاین کې د کرونا وایروس ناروغانو د نښو ، له هغې څخه د ځان ساتنې او د وايروس د لېږد د مخنیوي د لارو چارو او د روغتیایي اصولو په پام کې نیولو په اړه لازم پوهاوی ورکړل شو، د پراختيايي شورا ګانو غړو ژمنه وکړه چې دا مالومات به له ځایي اوسیدونکو سره شریک کړي.
پدې کمپاین کې همدارنګه د کلیو د بیارغونې او پراختیا وزارت د ولسي تړون ملي پروګرام د مرستندویه برخې د پیل لپاره د موادو ویش کمیته هم جوړه شوه نوموړې کمیته د پراختیایې شورا له فرعي کمیټو څخه چې په هغه کې ځوانان، ملا امامان او زیانمنونکې برخه شامل دي ، جوړه شوه چې په راتلونکې کې په بیړنیو حالاتو کې له خلکو سره مرسته وکړي .
