په نیمروز ولایت کې د څه باندې ۴۰۰ زره افغانیو په ارزښت د څښاک د پاکو اوبو د ۳ بمبو لرونکو څاه ګانو د جوړولو کار بشپړ شویدی
د کلیو د بیا رغونې او پراختیا وزارت د ولسي تړون ملي پروګرام له لوري د څه باندې د ۴۰۰ زره افغانیو په ارزښت د څښاک د پاکو اوبو د ۳ بمبو لرونکو څاه گانو د جوړولو کار د نیمروز ولایت په چهار برجک ولسوالۍ کې بشپړ او ګټې اخیستنې ته سپارل شوې دي. د څښاک د پاکو اوبو د دغو څاه ګانو په بشپړیدو سره د ځایي کلیوالو د ۶۶ کورنیو ۸۵۰ تنه وګړو د څښاک پاکو اوبو ته لاسرسی پیدا کړ. د یادونې وړ ده چې د پاکو اوبو د دغو ۳ څاه ګانو د جوړیدو په بهیرکې ماهرو او غیرو ماهرو کاریګروته ۲۸۰ کاري ورځې رامنځته شوې وې.
