په ننګرهار کې ۱۰۵۰ زده کوونکو ته د څښاک اوبه چمتو شوې
د کلیو بیارغوني او پراختیا وزارت په کلیوالي سیمو کې د اوبو رسولو او حفظ الصحې پروګرام له لوري د ننګرهار ولایت د سرخ رود ولسوالۍ اړوند په کټهپور لېسه کې د ۹۰۰ زره افغانیو په لګښت د څښلو د اوبو یوه شبکه جوړه او ګټې اخیستنې ته وسپارل شوه چې ورسره ددغې لېسې د (۱۰۵۰) نارینه او ښځینه زدهکوونکیو لپاره د څښاک پاکې اوبه برابرې شوې.
د اوبو رسولو په دغه پروژه کې د یوې چینې او دوو زرمو جوړول او له چینې څخه تر ښوونځي پورې د یو کلیومتر شبکې غځول او نورو اړینو وسایلو نصبول شامل وو.
د اوبو رسولو ددغې پروژې د جوړولو چارو دغه راز د ځايي خلکو لپاره ۹۰۰ کاري ورځې هم رامنځته کړې وې.
