په ننګرهار کې د ۳ میلیونه افغانیو په لګښت ۳ کیلو متره فرعي سړک جوړ شو
د کلیو بیارغونې او پراختیا وزارت د ولسي تړون ملي پروګرام د څارنې، ساتنې او جوړونې لپاره د پراختیایي نغدي وجهې پروګرام (MCCG) برنامې له لوري د ننګرهار ولایت د خوږیاڼیو ولسوالۍ اړوند د د يګانو کلي پراختيايي شورا لخوا د څه باندې ۳ میلیونه افغانیو په لګښت د ۳ کیلو مترو په اوږودوالي او د ۴ متره په پلنوالي یوه سړک د جوړولو کار بشپړ او ګټې اخیستنې ته وسپارل شو. دغه سړک د یو نیم متر په لوړوالي، ۶۰۰ متره استنادي دېوال لري او ۵ پلګوټې هم پکې شامل دي چې په جوړېدو سره يې ۴۳۰ کورنيو ته د تګ راتګ آسانتیا برابره شوه، او د سیمې تخنیکي او نا تخنیکي کاریګرو ته ۵۴۰۰ کاري ورځې برابرې شوې.
د خوږیاڼو په ولسوالۍ کې د څارنې، ساتنې او جوړونې لپاره د پراختیایي نغدي وجهې پروګرام (MCCG) برنامې له لوري په بېلابېلو سکټورونو ۱۷۷ پروژې منظور شويدي، چې په ترڅ کې يې ځايي تخنیکي او نا تخنیکي کاریګرو لپاره ۷۶۳۸۷۴ کاري ورځې برابریږي او پر دغو پروژو ۴۱۲۳۳۶۶۶۶ افغانۍ لګښت راځي، چې د ولسي تړون ملي پروګرام له لوري ورکول کېږي.
