په ننګرهار کې د ۳۹۰ کورنیو لپاره د څښاک پاکې اوبه برابرې شوې
د کلیو د بیارغونې او پراختیا وزارت په کلیوالي سیمو کې د اوبو رسولو او حفظ الصحې د پروګرام له لوري د ننګرهار ولایت د سُرخ رود ولسوالۍ په شیخ مصري احمد زايي کلي کې د څه باندې ۳ میلیونه افغانیو په لګښت د اوبو رسولو یوه لمریزه شبکه جوړه او د ځايي خلکو ګټې اخیستنې ته وسپارل شوه.
ددغې پروژې د جوړولو په چارو کې د یوې ژورې څاه کیندل، د یوې کانکریټي زیرمې او د سولرونو لپاره د یوې احاطې جوړول، د ۳۰ لمریزو تختو سولرونو ، ۲۰۰۰ مترې اوږدې د پایپونو د شبکې او نورو اړینو وسایلو نصبول شامل وو.
د اوبو رسولو د دغې پروژې چارو دغه راز د ځايي خلکو لپاره څه باندې ۲۰۰۰ کاري ورځې هم رامنځته کړې.
