په میدان وردګ کې ٣٠٠ زده کوونکو ته د زده کړو معیاري او مناسب چاپیریال برابر شو
د کلیو بیارغونې او پراختیا وزارت د ولسي تړون ملي پروګرام تر چتر لاندې د اقراء پروګرام له لوري د میدان وردګ ولایت، جغتو ولسوالۍ په قلعه پیرک سیمه کې د ۴.۶ میلیونه افغانیو په ارزښت د نجونو او هلکانو د مسعود په نوم یو لومړنی ښوونځی د یو کال په موده کې جوړ او ګټې اخیستنې ته وسپارل شو.
یاد ښوونځی شپږ ټولګي، یوه اداري خونه، یوه د څښاک اوبو څاه او درې تشنابونه لري، او په جوړیدوسره به د سیمې ٣٠٠ تنه نارینه او ښځینه زده کوونکي د زده کړو له یوه معیاري او مناسب چاپیریاله برخمن شي.
د دې ښوونځي د رغولو پر مهال د سیمې اوسېدونکو ته ٢٦٠٤ کاري ورځې هم رامنځته شوي، چې ګڼ شمېر فني او غیر فني کارکوونکو ته یې د کار زمینه برابره کړې ده.
