په میدان وردګو کې ۳۰۰ تنه زده کوونکو ته د زده کړې مناسبه زمینه برابره شوه
په میدان ورد ګو ولایت کې۳۰۰ تنه زده کوونکي د یوه ښوونځی په جوړیدو سره د زده کړې له مناسب چاپیریال څخه برخمن شول. دا ښوونځی چې۶ درسي خونې،۱ اداري خونه، ۳ تشنابونه او د پاکو اوبو یوه څاه لري د میدان ورد ګو ولایت د چک ولسوالۍ اړوند د دربند پراختیایي شورا لخوا یې کار بشپړ شویدی چې ۴ مېلیونه او۸۰۰ زره افغانۍ لګښت پرې راغلی. دغه ښوونځی د کلیو بيارغونې او پراختیا وزارت، د ولسي تړون ملي پروګرام له لوري د اقرأ پروژې تر سیوري لاندې د نجونو او هلکانو د زده کړې لپاره جوړ شوېدي.
