په میدان وردګو کې ١٠٠ کورنیو ته د څښاک پاکې اوبه برابرې شوې
د کلیو بیارغونې او پراختیا وزارت د اوبو رسولو او روغتیا ساتنې ملي پروګرام له لوري د میدان وردګو ولایت نرخ ولسوالۍ د تیتمور سیمې په ګوډانو کلي کې د ٢.٧ میلیونو افغانیو په ارزښت د اوبو رسولو یوه شبکه تر رغولو وروسته ګټې اخیستنې ته وسپارل شوه.
یاده شبکه، چې په لمریزې بریښنا سنباله ده، په په جوړیدو سره یې د یاد کلي ١٠٠ کورنیو او د یوې مدرسې ١٢٠ تنو نارینه او ښځینه زده کوونکو ته د څښاک پاکې او صحي اوبه برابرې شوې.
د یادولو وړ ده، چې د دې شبکې د جوړولو پر مهال د سیمې اوسېدونکو ته ١٢١٦ کاري ورځې هم رامنځته شوې وې، چې ګڼ شمېر تخنیکي او نا تخنیکي کارکونکو ته یې کاري زمینې برابرې کړې وې.
