په میدان وردګو کې د ۱۵.۶ میلیونو افغانیو په ارزښت دوې پراختیایي پروژو تړون لاسلیک شو
د کلیو بیارغونې او پراختیا وزارت د سیمه ییزو پروګرامونو د همغږی دفتر له لوري د میدان وردګو ولایت د مرکز بهسودو ولسوالۍ په دواب سرعلوم او تګاب راموز سیمو کې د ۱۵.۶ میلیونو افغانیو په ارزښت د دوو پراختیایي پروژو تړون د یاد ولایت د کلیو بیا رغونې او پراختیا ریاست سرپرست رییس او د پراختیایي شوراګانو له استازو سره لاسلیک شول.
نوموړې پروژې د ١٧ مترو په اوږدوالي کانګریټي پل او ور سره ٦٥ متره استنادي دېوال، همدا راز د کرنیزو ځمکو خړوبولو په موخه د اوبو رسولو یوه پروژه، چې په لمریزې برېښنا هم سبماله ده تطبیق کیږي، چې کاریګرو ته به په سلګونو کاري ورځې رامنځته کړي.
د نوموړو پروژو د رغېدو وروسته به د یادې سیمې ٨٠٠ کورنۍ د مرکز بهسودو ولسوالۍ له مرکز سره ونښلوي او د اوبو رسولو پروژه به ٧٠٠ جریبه کرنیزه ځمکه خړوبه کړي.
