په میدان وردګو کې درې د اوبو زېرمې جوړیږي
د کلیو بیارغونې او پراختیا وزارت د سیمه یز انسجام ملي پروګرام له لوري د میدان وردګو ولایت په حصه اول بهسود او مرکز بهسود ولسوالیو کې کرنیزو ځمکو ته د اوبو رسولو په موخه درې د اوبو زېرمې د څه باندې ۵ میلیونو افغانیو په ارزښت جوړیږي.
د یادو پروژو چارې روانه اونۍ د حصه اول بهسود په دشت اطمان او قف قُل او د مرکز بهسود ولسوالۍ په بهادر که سیمه کې پیل شوې دي، چې د سیمې لسګونه تنو تخنیکي او نا تخنیکي کارکوونکو ته د کار زمینې برابرولو تر څنګه به په راتلونکې کې د ٢٠٠ جریبه په شا او خوا کې کرنیزه ځمکه د اوبو رسولو تر منظم خړوب لاندې راولي.
