په لوګر کې د ۱۰ بیوزله کورنیو سره څه باندې ۶۸ زره افغانيو په ارزښت د خوراکي توکو مرسته وشوه
د کلیو بیارغونې او پرختیا وزارت د ولسي تړون ملي پروګرام له لوري په لوګر ولایت کې د ۶۸ زره افغانيو په ارزښت د ۱۰ بیوزله کورنیو سره د غله جاتو بانکونو له لوري د خوراکي توکو مرسته وشوه. دغه مرسته د خلکو او د ټولنیز ګډون لپاره د مالي وجهې پروګرام (SIG) لخوا د لوګر ولایت مرکز پل علم اړوند د جمعه کلا د پراختيايي شورا له لوري اړمنو کلیوالو ته وړاندې شوه، چې پکې: وړه، غوړي، وریجې، لوبيا، نخود، بوره، چای، سوجي، صابون او د کاليو مینځلو پوډر شامل وو.
