په لوګر ولایت کې د نږدې ۴ میلیون افغانیو په ارزښت د کاریز د پروژې کار مخکې تللی
د کلیو د بیا رغونې او پرمختیا وزارت د سیمه ییز پروګرام له لوري د نږدې ۴ میلیونه افغانیو په ارزښت په لوګر ولایت کې د اوبو لګولو د کاریز د پروژې کار ۸۵ سلنه مخ ته تللی چې له ټاکلي مهال ویش سره سم به بشپړه شي. د دغې پروژې په لړ کې د یاد ولایت په مرکز پل علم پورې اړوند د زرداد کلا نواباد کلي کې د کاریز څاه ګانې او د اوبو لګولو کانال په پاخه ډول جویږي.
د دغې پروژې د تطبیق بهیر پر مهال ۱۸۰۷ کاري ورځې رامنځته کیږي چې له بشپړیدو وروسته به د سیمې ۱۸۹۰ کسه ترې ګټه اخلي او ۳۵۰ جریبه کرنیزه ځمکه به د اوبو کولو تر منظم پوښښ لاندې راشي.
