په لوګرولایت کې ۲۴۰ تنه زده کوونکو ته د زده کړې مناسبه زمینه برابره شوه
په لوګر ولایت کې۲۴۰ تنه زده کوونکي د یوه ښوونځی په جوړیدو سره د زده کړې له مناسب چاپیریال څخه برخمن شول. دا ښوونځی چې۶ درسي خونې،۱ اداري خونه، ۳ تشنابونه او د پاکو اوبو یوه څاه لري د لوګر ولایت د محمد آغې ولسوالۍ اړوند د سرې کلا ابازک پراختیایي شورا لخوا یې کار بشپړ شویدی. ددې ښوونځي د جوړېدو په ترڅ کې ځايي تخنیکي او ناتخنیکي کاریګرو لپاره ۳۲۴۶ کاري ورځې رامنځته شوې وې. دغه ښوونځی د کلیو بيارغونې او پراختیا وزارت، د ولسي تړون ملي پروګرام له لوري د اقرأ پروژې تر سیوري لاندې د نجونو او هلکانو د زده کړې لپاره جوړ شوېدي. د یادونې وړ ده چې د لوګر ولایت په محمد آغې ولسوالۍ کې د ولسي تړون ملي پروګرام تر سيوري لاندې د اقرآ برنامې له لوري ۴۲ بابه ښوونځيو ته ودانۍ جوړېږي، چې د يو شمېر کارونه بشپړ شوي او پاتې نور به په نږدې راتلونکې کې جوړ او ګټې اخيستنې ته وسپارل شي.
