په فراه کې د ولسي تړون ملي پروګرام ۲۰۰ پراختیایي پروژې بشپړې او ګټې اخیستنې ته سپارل شوېدي
د کلیو د بیا رغونې او پراختیا وزارت د ولسي تړون ملي پروګرام ۲۰۰ پراختیایي پروژې د ترانسپورټ، د تجدید وړ انرژۍ/ بریښنا، ابو رسولو او اوبو لګولو په سکتورنو کې د فراه ولایت د مرکز شاوخوا سیمو د ۱۳۶ کلیو پراختیایي شوراګانو له خوا، بشپړې اوګټې اخیستنې ته سپارل شوېدي. د یاد ونې وړ ده چې په دغو پروژو کې د سړکونو، پلګوټو، د اوبو رسولو شبکو، د محافظوي او ګابیون دیوالونو جوړول، د څښاک د پاکو اوبو د بمبو لرونکو څاه ګانو کیندل د بریښنا ښاري او سولري شبکو غزول او د اوبو د ویشلو د دروازو بیا رغول شامل دي.
