په غور ولایت کې ۱۶۵ کورنیو ته د څښاک پاکې اوبه برابرې شوې
د کلیوبیارغونې او پراختیا وزارت د اوبو رسولو او کلیوالي حفظ الصحې پروګرام له لوري د غور ولایت د لعل وسرجنګل ولسوالۍ په ده پیتاب سیدعلم کلي کې د ۲.۳ میلیونه افغانیو په ارزښت د اوبو رسولو یوه لمریزه شبکه جوړه شوه چې ورسره د شاوخوا ۱۶۵ کورنیو لپاره د څښاک پاکې اوبه برابرې شوې.
د اوبو رسولو په دغه پروژه کې د یوې څاه کیندل، د یوې زیرمې او د لمریزو تختو لپاره د یوې احاطې جوړول، د څه باندې ۲۹۰۰ مترې اوږدې شبکې غځول او د لسو لمریزو تختو (سولرونو)، ۴۲ نلبندانونو او نورو اړینو وسایلو نصبول شامل وو.
د یادونې وړه ده چې ددغې پروژې د جوړولو چارو دغه راز د ځايي خلکو لپاره ۲۲۰۰ کاري ورځې هم رامنځته کړې.
