په سمنګانو کې د ۴.۹ میلیونه افغانیو په ارزښت یو پُل جوړ شو
د کلیو بیارغونې او پراختیا وزارت د ولسي تړون ملي پروګرام له لوري د سمنګانو ولایت، حضرت سلطان ولسوالۍ اړوند د لوپان نو او لوپان کهنه کلیو لپاره د ۴.۹ میلیونه افغانیو په لګښت د یوه پُل د جوړولو کار بشپړ او ګټې اخیستنې ته وسپارل شو. دغه پُل ۲۰.۵ متره اوږدوالی او ۳.۷ متره پلنوالی لري. ددې پروژې د کار په بهیر کې د سیمې تخنیکي او نا تخنیکي کاریګرو لپاره ۳۳۰۰ کاري ورځې برابرې شوې.
د یادونې وړده چې د دې پروژې په بشپړیدو سره د سیمه والو ټرانسپورټي ستونزې حل شوې، اوس هغوې کولای شي خپل کرنیز محصولات د خرڅلاو لپاره په ډیرې هوساینې د ولسوالۍ بازار ته ولیږدوي او همدارنګه زده کوونکو ته د ښوونځي او ناروغانو ته روغتون ته په تګ را تګ کې هم لازمي آسانتیاوې برابرې شوېدي.
