په سمنګانو ولایت کې ۳۱۹ کلیوالي کورنیو ته د څښاک پاکې اوبه برابرې شوې.
د کلیود بیارغونې او پراختیا وزارت د ولسي تړون ملي پروګرام له خوا د ۴.۵ میلیونه افغانیو په ارزښت د سمنګانو ولایت د خرم اوسارباغ ولسوالۍ اړوند د کلور بالا په کلي کې ۳۱۹ کلیوالو کورنیو ته د څښاک پاکو اوبو ته د لاسرسي زمینه برابره شوه.
نوموړې شبکه ۶۱۹۵ متره اوږدوالی، د ۵۰ او ۲۵ مترو مکعبه په ظرفیت د اوبو دوه ځمکنۍ زیرمې، ۳۶ لمریز پنل او یو لمریز پمپ لري. دغه شبکي ته ۱۸ نلکې هم جوړې شوېدي. د دغه پروژې د کار په بهیر کې تخنیکي او نا تخنیکي کاریګرو ته ۳۳۲۰ کاري ورځې را منځته شوېدي. د نوموړې پروژې د جوړیدو کار بشپړشوی دی.
