په سرپل ولایت کې د پاکو اوبو رسولو (۵) شبکې ګټې اخیستنې ته وسپارل شوې
د کلیو د بیارغونې او پراختیا وزارت له لورې په سرپل ولایت کې د څه باندې (۱۷) میلیونه افغانیو په لګښت د پاکو اوبو رسولو (۵) شبکې د یو لړ مراسمو په ترڅ کې د یاد وزارت د سرپرست وزير الحاج ملا محمد یونس اخندازاده او مل پلاوي له لورې ګټې اخیستنې ته وسپارل شوې.
په یاده پرانیست غونډه کې د کلیو د بیارغونې او پراختیا وزارت سرپرست وزير الحاج ملا محمد یونس اخندزاده، مل پلاوي، د سرپل ولايت والي حاجې عبدالرحمن اکا، دسانچارک ولسوالۍ سرپرست ولسوال مولوي جنت الله کمالي، د دغه ولايت د کليو د بيارغونې او پراختيا رئيس ملا محمد جمعه حقیار ، د سیمې علماء کرامو، سپین ږیرو، مخورو او ځوانانو ګډون کړی وو.
ددغه پروژي د کار په جریان کې د سیمې سلګونه تنه کاریګرو ته د کار زمینه برابره شوي وه چې په بشپړیدو سره یې ددغه ولایت د مرکز او کوهستانات ولسوالۍ کې (۱۱۵۰) کورنیو د څښاک پاکو اوبو ته لاسرسی پیداکړ.
