په خوست کې ۱۳ کیلو متره سړک پخیږي
د خوست ولایت په تڼیو ولسوالۍ کې د کلیو د بیا رغونې او پرمختیا وزارت د سیمه ییز پروګرام له لوري د سړک د پخولو چارې پر مخ روانې دي.
د دغې پروژې په لړ کې د یادې ولسوالي په حصارک کلي کې د نږدې ۱۳ کیلو مترو په اوږدوالي سړک په دوو برخو کې قیر کیږي.
د یادې پروژې په ترڅ کې چې له ملي بودیجې تمویل شوې ۲۲۲۳۱ کاري ورځې رامنځته کيږي چې په بشپړیدو به یې د سیمې ۲۶۱۸۰ اوسیدونکي ترې ګټه پورته کړي. دغه سړک به نه یواځې د سیمې د اوسیدونکو د تګ او راتګ په برخه کې آسانتیاوې رامنځته کړي بلکې مارکیټونو ته د ځايي بزګرانو د کرنیزو حاصلاتو د چټکې رسیدا په لار کې به هم ګټور پریوځي.
