په خوست ولایت کې د څه باندې ۱،۳ ميليونه افغانیو په ارزښت د څښاک اوبو شبکه ګټې اخېستنې ته وسپارل شوه
د کلیو د بیا رغونې او پراختیا وزارت د ولسي تړون ملي پروګرام له لوري څه باندې ۱،۳ ميليونه افغانیو په ارزښت د څښاک د پاکو اوبو د پروژې د جوړولو کار د خوست ولایت د اسمعیل خیلو(مندوزیو) ولسوالۍ د پاس علیوات کلي کې بشپړ او ګټې اخیستنې ته وسپارل شوه. دغه پروژه د ۲۳۵۰۰ مکعبه متره اوبو د زیرمې ظرفیت لري چي لمریزه بریښنا هم ورته په پام کې نیول شویده. د نوموړې پروژې د جوړولو په کاري بهیر کې ۶۴۰ فني او غیر فني کاریګروته د کارزمینه برابره شویده چې ۱۲۰ کورنۍ به ترینه ګټه اخلي.
