په تخار کې د ۱۸.۶ میلیونه افغانیو په ارزښت ۴.۵ کیلومتره سړک جوړ شو
د کلیو بیارغونې او پراختیا وزارت د کلیوالي لار جوړونې ملي پروګرام له لوری د تخار ولایت د فرخار ولسوالۍ له نواباد کلي څخه تر قپانګر کلي پورې د ۱۸.۶ میلیونه افغانیو په ارزښت ۴.۵ کیلومتره سړک جوړ او ګټې اخستنې ته وړاندې شو.
دا پروژه ۱۹ پلچکونه، ۴۰۰ متره استنادي دیوال او ۱۲۰ متره اوږده ۲ واشونه لري، او د تطبیق پر مهال یې ۳۶۸۳ کاري ورځې رامنځته شوي دي.
باید ووایو چې دې سړک قپانګر، شوری، نواباد او دشت کنج کلي د فرخار ولسوالۍ له مرکز سره تړلي دي. او د ۷۰۰ کورنیو ترانسپورتي ستونزې یې هوارې کړي دي.
