په تخار کې د اوبه خور د ۴.۶ کیلومتره کانال د جوړولو کار روان دی
د مرسي کارپس بنسټ له خوا د کلیو بیا رغونې او پراختیا وزارت د سیمه ییزو پروګرامونو د همغږۍ دفتر تر څار لاندې د تخار ولایت د بهارک ولسوالۍ په عربانو کلي کې د اوبه خور د ۴.۶ کیلو متره کانال د جوړولو کار ۴۵ سلنه مخکې تللی دی. د دې پروژې په بشپړتیا سره به ۱۱۰ کسانو ته تلپاتې کار پیدا شي او ۶۶۸۵ سیمه ییز وګړي به یې له ګټو برخمن شي. یاده دې وي چې د دې کانال په بشپړیدو سره به ۲۲۲۰ جریبه کرنیزه ځمکه د اوبه خور تر منظم پوښښ لاندې راشي، او په لاره کې کروندو ته د لیږدونکو اوبو د ضایعاتو مخه به ونیول شي.
