په تالقانو کې د ۵.۶ میلیونه افغانیو په لګښت د اوبو رسولو یوه لمریزه شبکه ګټې اخیستنې ته وسپارل شوه
د کلیو بیا رغونې او پراختیا وزارت په کلیوالي سیمو کې د اوبو رسولو، اوبه خور او حفظ الصحې پروګرام له لوري د یونیسیف ادارې په ۵.۶ میلیونه افغانیو مرسته شویو پیسو د تخار ولایت په مرکز تالقانو ښار کې د اوبو رسولو یوه لمریزه شبکه جوړه او د خلکو ګټې اخیستنې ته وسپارل شوه.
د اوبو رسولو په دغه پروژه کې، چې په دوو پړاوونو کې تکمیل شوه، د یوې ۱۰۰ متره ژورې څاه کیندل، د یوې ارتفاعي ذخیرې او احاطوي دیوال جوړول، لمریزو تختو، ۲۵۹ نلبندانونو او نورو اړینو وسایلو نصبول شامل وو.
د یادې شوې شبکې په جوړېدو سره د څه باندې ۳۷۰ کورنیو لپاره د څښاک پاکې اوبه برابرې شوې.
