په بلخ کې د ۲۷۰ کورنیو ماشومانو ته د ښوونځي ودانۍ جوړه شوه
د کلیو بیارغونې او پراختیا وزارت د ولسي تړون ملي پروګرام د اقراء برنامې تر چتر لاندې د بلخ ولایت د چهاربولک ولسوالۍ په موشخور توره تیګه کلي کې د ۷.۶ میلیونه افغانیو په لګښت د ۲۷۰ کورنیو ماشومانو ته د ښوونځي ودانۍ جوړه او ګټې اخیستنې ته وسپارل شوه.
دغه ښوونځي ۸ ټولګي، ۲ اداري خونې، ۵ تشنابونه اود څښاک اوبو یوه څاه لري، د ښوونځي په ودانیزو چارو کې د سیمې لسګونه تخنیکي او نا تخنیکي کاریګرو لپاره ۴۴۰۰ کاري ورځې هم برابرې شوې وې.
باید یاده شي چې د ۶۰۰۰ ښوونځیو له ډلې څخه، چې ټاکل شوېده په ټول هېواد کې جوړشي، ۱۴۹ ښوونځي په بلخ ولایت کې پلان شوي چې له جملې یې د ۱۰۰ ښوونځیو ودانۍ بشپړې شوي دي.
